जिल्ह्यातील अंगणवाडींचा होणार कायाकल्प : पालकमंत्री डॉ पंकज भोयर यांच्यामुळे मिळाला अतिरिक्त निधी

प्रतिनिधी/दै.जन-संग्राम वर्धा : बालकांना शिक्षणाच्या मुख्य प्रवाहात आणण्याचे कार्य आंगणवाडी करतात. त्यामुळे आंगणवाडीचा विकास होणे देखील महत्वाचे आहे.बालकांना चांगल्या सुविधांसोबतच चांगला परिसर मिळावा, यासाठी पालकमंत्री डॉ. पंकज भोयर यांच्या प्रयत्नामुळे भरीव आर्थिक तरतूद करण्यात आली आहे.या अतिरिक्त आर्थिक तरतूदीतून २७ नवीन आंगणवाडीचे बांधकाम व ३४ आंगणवाडीची दुरूस्ती करण्यात येणार आहे. महिला व बालविकास विभागातंर्गत आंगणवाडी विकासासाठी सन २०२४-२५ या आर्थिक वर्षात जिल्हा वार्षिक योजना सर्वसाधारण मधून ४ कोटी ५ लक्ष रुपयांच्या तरतुद पालकमंत्री डॉ पंकज भोयर यांनी केली होती.

मात्र आंगणवाडींची संख्या व सुविधांची निकड लक्षात घेता पालकमंत्री भोयर यांनी नव्याने भरीव वाढ केली आहे. पालकमंत्री डॉ. भोयर यांनी महिला व बाल कल्याण विभागातंर्गत येणा-या आंगणवाडीसाठी अतिरिक्त ३ कोटी १० लक्ष रुपयांचा निधी उपलब्ध करून दिला आह. तथापि, सन २०२४-२५ या आथिक वर्षात आंगणवाडीसाठी एकूण ७ कोटी १५ रूपयांची तरतूद झाली आहे. त्यामुळे आता जिल्ह्यातील अंगणवाड्यांच्या विकासाला मोठी चालना मिळणार आहे.