आरोग्यसेवेचा आदर्श अधिक वृद्धिंगत करा- डॉ. आरती सरीन

 प्रतिनिधी/दै.जन-संग्राम वर्धा : तुम्ही या नवीन भारताचे शिल्पकार असून स्वावलंबी, सर्वसमावेशक आणिनवोन्मेषशाली राष्ट्राच्या उभारणीत केंद्रस्थानीआहात. भविष्यातील आरोग्यसेवेचा आदर्शतुमच्या विद्यापीठाने आधीच निर्माण केला आहे. आता जागतिक दृष्टिकोन आणिमानवतेशी सुसंगत तंत्रज्ञान स्वीकारतहा आदर्श अधिक वृद्धिंगत करण्याचीजबाबदारी तुमच्या खांद्यावर आहे, असे उद्गार भारताच्या सर्जन व्हाइस डमिरल तथासशस्त्र दल वैद्यकीय सेवेच्या महासंचालक डॉ. आरती सरीन यांनी सावंगी मेघे येथील दत्ता मेघे उच्च शिक्षण व संशोधन संस्था अभिमत विद्यापीठाच्या सोळाव्या दीक्षान्त समारोहात काढले.

या समारोहाला अदानी फाउंडेशनच्या अध्यक्ष डॉ. प्रीती अदानी यांची विशेष उपस्थिती होती. समारोहात विद्यापीठाचे कुलपती दत्ता मेघे यांनी स्नातकव स्नातकोत्तर विद्यार्थ्यांना आरोग्यसेवेची दीक्षा दिली. सावंगी मेघे येथील विद्यापीठ सभागृहातआयोजित या समारोहात प्रारंभी डॉ. प्रीती अदानी, दत्ता मेघे अभिमत विद्यापीठाचे माजी कुलगुरू डॉ. राजीव बोरले आणि नागपूरच्या शासकीय दंत महाविद्यालयाचे अधिष्ठाता डॉ. अभय दातारकर यांना डॉक्टरऑफ सायन्स या मानद पदवीने सन्मानित करण्यात आले. उत्कृष्टता, सचोटी आणि सेवाभाव या मूल्यांचे जतन करीत राष्ट्रीय विकास आणि जागतिक कल्याणात योगदान देण्यासोबतच भारतीय सेनेत सामील होण्याचे आवाहनही यावळी डा. आरती सरीन यांनी केले.