गावागावात हायमॅक्स लावण्याच्या नावाखाली होत आहे प्रचंड भ्रष्टाचार
या हायमॅक्समुळे ग्रामपंचायतच्या विजेच्या विदूतबिलात दीडपटीची वाढ झाली असून ग्रामपंचायतीला या हायमॅक्स मुळे बिल भरणे कठिन झाले आहे. बिल भरण्याची सुद्धा परिस्थिती नसल्याने गावातील स्ट्रीट लाईटचे कनेक्शन विद्युत विभागाकडून कापण्याच्या मार्गावर आहे. यामुळे गावात अंधारच पडण्याची दाट शक्यता निर्माण झालेली आहे आहे. ग्राम विकासाच्या नावाखाली हा गोरख धंदा राजरोसपणे सुरू असून प्रत्येक प्रतिनिधीच्या विकास निधीतन गावागावात हायमक्स लावण्याचा उपक्रम मोठ्या हौसेने राबविण्यात येत आहे. या हायमॅक्स ची किंमत बाजारामध्ये फक्त साठ हजार रुपये असून या लोकप्रतिनिधीच्या माध्यमातून याची किंमत एक लाख ६० हजार रुपये पर्यंत आकारण्यात येत आहे.
एका हायमक्स वर एक लाख रुपय जास्त आकारून हा एक लाख रुपया कुणाच्या घशात जात आहे, हे एक न समजणारे कोडे आहे,विषेश म्हणजे हे हायमॅक्स लावण्याबद्दल कोणत्याही ग्रामपंचायत कडून या लोकप्रतिनिधींना मागणी करण्यातच येत नाही. तरी हे लोकप्रतिनिधी स्वतःचे कार्यक्षेत्रात प्रत्येक गावात निदान दोन दोन हायमॅक्स लावत आहे. या हायमॅक्समळ ग्रामपंचायतचे बिल डबल येत असूनत्यांना आपल्या ग्रामपंचायतलामिळणाऱ्या पंधराव्या वित्तआयोगातून या विजेच्या बिलाचा भरणा करावा लागत आहे. एकदा हे लागलेले हायमॅक्सलाईट बंदपडल्यानंतर याकडे कोणीही लक्ष देण्यास तयार नाही. यामुळे सर्व ग्रामपंचायतच्या हद्दीतील हीलाईट बंद पडलेल्या स्थितीतआहे. बहुतेक ग्रामपंचायत मध्ये हे लाईट चालू असल्याचे दिसून येत नाही,या भ्रष्टाचाराची चौकशी करून हा गोरख धंदा थांबविण्यात यावा अशी मागणी जनतेतून केल्या जात आहे.