गिरडच्या मातीतील कुस्ती पहलवानांचा दमदार डाव
रुणांमध्ये व्यायाम, तंदुरुस्ती आणि पारंपरिक खेळांविषयी आवड वाढावी, या उद्देशाने १९१२ मध्ये श्रीराम देवस्थानचे मठाधिपती सीताराम महाराजांनी चालू केलेली परंपरा ११३ वर्षांपासून अद्यापही जोपासली जात आहे. यंदा गिरडसह सिर्सी, बेसूर, महालगाव, केसलापूर, पिपरा, बेला, सावंगी, वडगाव, हिवरा डोणगाव, हिंगणघाट, दर्यापूर, उमरेड आणि चिमूर येथील पहेलवानांनी सहभाग घतला. गावातील नागरिक आणि परिसरातील प्रेक्षकांनी मोठ्या संख्येने उपस्थित राहून या पारंपरिक कुस्तीचा आनंद घेत प्रत्येक डावावर टाळ्यांचा गजर आणि जयघोष केला. स्पर्धेचे पंच म्हणून डॉ. गोपीकृष्ण थुटे आणि प्रशांत लांडे यांनी कुशलपणे जबाबदारी पार पाडली. यशस्वीतेसाठी विकी सहारे, मंगेश दोडके, सचिन शेळके, वैभव अंडरस्कर, मंथन भांदककर, शंकर उमाटे, सौरभ शेळके, प्रशांत ठाकूर, अनिल गुंडे, संजय आजबेले, तसेच हनुमान व्यायाम शाळेचे सदस्य आणि सोनामाता युवा प्रसारक मंडळाच्या कार्यकर्त्यांनी परिश्रम घेतले. गिरडच्या मातीत रंगलेल्या या पारंपरिक आमदंगलाने दिवाळी सणाचा उत्साह अधिक वाढवला. कुस्तीची परंपरा, गावातील एकता आणि व्यायाम सस्कती जपणार्या हनुमान व्यायाम शाळेच्या उपक्रमाचे सर्वत्र कौतुक करण्यात आले.