अंगणवाडी सेविकांसाठी गुडन्यूज, अखेर तो प्रस्ताव आलाच
मुंबई/प्रतिनिधी अंगणवाडी सेविकांसाठी मोठी आणि महत्त्वाची बातमी समोर आली आहे. मानधनवाढ करण्यात यावी, अशी अंगणवाडी सेविकांची गेल्या अनेक वर्षांपासूनची मागणी आहे. अंगणवाडी सेविकांच्या या मागणीबाबत महिला आणि बालविकास मंत्री आणि मुंबईचे पालकमंत्री मंगल प्रभात लोढा यांनी महत्त्वाची माहिती दिली आहे. अंगणवाडी सेविकांची मानधनात वाढ करण्याची अनेक वर्षांपासूनची मागणी आहे. या मानधन वाढीबाबतचा निर्णय काही दिवसात घेतला जाईल. या मानधन वाढीच्या प्रस्तवाची फाईल मुख्यमंत्री एकनाथ शिंदे यांच्याकडे आहे, अशी माहिती मंत्री लोढा यांनी दिली. सरकारने मानधनवाढीचा निर्णय घेतल्यास राज्यातील दीड लाख अंगणसेविकांना याचा फायदा मिळेल. दरम्यान मंगल प्रभात लोढा पालकमंत्री आपल्या दारी या उपक्रमाअंतर्गत मुंबईतील पालिकेच्या प्रभाग कार्यालयाला भेट देत आहेत. सर्वसामांन्यांच्या तक्रारी निकाली काढण्याचा प्रयत्न या उपक्रमाच्या निमित्ताने केला जात आहे.