अखेर मॉन्सून केरळात दाखल

पुणे/प्रतिनिधी नैऋत्य मोसमी वाऱ्यांचे (मॉन्सून) तब्बल सात दिवस उशिराने, पण केरळात आगमन झाले आहे. मॉन्सूनने दक्षिण भाग गुरुवारी (ता. ८) व्यापला आहे. अशी माहिती भारतीयहवामानशास्त्र विभागाने गुरुवारीजाहीर केले. केरळात मॉन्सून दाखल झाले असून देशात मॉन्सूनच्या पुढील तामिळनाडू आणि केरळचा बराचसा वाटचालीस आता सुरुवात झाली आहे. सध्या मॉन्सूनने केरळचा बहुतांश भाग, दक्षिण तामिळनाडू, दक्षिण अरबी समुद्राचा उर्वरित भाग, लक्षद्वीप बेटे, ईशान्य आणि मध्य बंगालच्या उपसागराचा भाग व्यापले आहे. दरम्यान पुढील ४८ तासात संपूर्ण केरळसह तामिळनाडू, कर्नाटक, अरबी समुद्र आणि बंगालच्या उपसागराच्या आणखीन काही भागात मॉन्सून प्रगती करेल.

असे हवामानशास्त्र विभागाने नमूद केले आहे. साधारणपणे मॉन्सून १ जूनपर्यंत (दीर्घकालीन आगमनाच्या वेळेनुसार) केरळमध्ये दाखल होतो. तर गेल्या १६ मे रोजी हवामानशास्त्र विभागाने जाहीर केलेल्या अंदाजानुसार मॉन्सून ४ जूनपर्यंत केरळमध्ये दाखल होणार होते व त्यात चार दिवसांची तफावत होईल, असे ही नमूद करण्यात आले होते. मात्र त्यास विलंब झाला असून प्रत्यक्षात गुरुवारी (ता. ८) केरळमध्ये मॉन्सूनने आगमन केले आहे. त्यामुळे यंदा मॉन्सूनने ७ दिवस उशिराने देशाच्या भूभागात केरळमध्ये प्रगती केली. या आधी २०१९ मध्ये ही ८ जूनला मॉन्सून केरळातील पोहोचले होते.

पुढील अंदाज –

मॉन्सूनच्या पुढील वाटचालीसाठी पोषक वातावरण – पुढील दोन दिवसात संपूर्ण केरळ व्यापण्याची शक्यता – तसेच मध्य अरबी समुद्र, तामिळनाडूचा आणखी काही भाग, कर्नाटक आणि बंगालच्या उपसागराच्या काही भागात तसेच ईशान्येकडील राज्यात मॉन्सून दाखल होण्याची शक्यता.