किश्तवाडमध्ये लष्कराचे हेलिकॉप्टर क्रॅश!

जम्मू-काश्मीर/प्रतिनिधी जम्मू-काश्मीरच्या किश्तवाडमध्ये आज एक मोठी दुर्घटना घडली. किश्तवाड जिल्ह्यातील एका गावात आज लष्कराचे हेलिकॉप्टर कोसळले. या हेलिकॉप्टरमध्ये २ ते ३ जण होते. मिळालेल्या माहितीनुसार, लष्कराचे एएलएच ध्रुव हेलिकॉप्टर क्रॅश झाले आहे. या अपघातात पायलट जखमी झाले असले तरी ते सुखरूप असल्याचे सांगण्यात येत आहे. लष्कराच्या अधिकाऱ्यांनी याला दुजोरा दिला आहे. ज्या भागात ही घटना घडली त्या भागात नेटवर्कच्या समस्येमुळे माहिती मिळण्यास विलंब होत आहे. हेलिकॉप्टर अपघाताबाबत माहिती देताना लष्कराच्या एका अधिकाऱ्याने सांगितले की, वैमानिक जखमी झाल्याची माहिती आहे, मात्र सध्या कोणाशीही संपर्क साधला जात नाही.

भारतीय लष्कराचा कमांडिंग ऑफिसर सुरक्षित आहे. आतापर्यंत हेलिकॉप्टर अपघाताचे कारण लष्कराने दिलेले नाही. मात्र, खराब हवामान हे अपघाताचे कारण असल्याचे सांगितले जात आहे. अनेक दिवसांपासून जम्मू-काश्मीरच्या अनेक भागात पाऊस पडत आहे. अशा परिस्थितीत हवामानामुळे हेलिकॉप्टर कोसळल्याची शक्यता वर्तवली जात आहे. घटनास्थळी बचाव पथके रवाना झाली आहेत. एएलएच ध्रुव हेलिकॉप्टर अपघातात बळी पडण्याची ही पहिलीच वेळ नाही. याआधीही हेलिकॉप्टर अनेकदा क्रॅश झाले आहे. या घटनांनंतर एएलएच ध्रुवच्या अपघाताचे वृत्त येईपर्यंत सुरक्षा दलांनी हेलिकॉप्टरचे ऑपरेशन स्थगित केले होते. आता बंदी असतानाही लष्कराकडून त्याचा वापर कसा केला जात आहे, असा प्रश्न उपस्थित होत आहे